रिंगण अंक
रिंगण अंक
संत सोपानदेव
वर्ष - २०२०
ज्ञानेश्वर माऊलीच्या कर्तृत्वात स्वत:ला विरघळून टाकणारा लहान भाऊ. तरीही संताच्या मांदियाळीत बंडखोरीमुळे उठून दिसणारा विचारवंत, कुणासाठी थेट ब्रह्माचा अवतार, तर कुणासाठी हक्काचे सोपानकाका.
संत सावता माळी
वर्ष - २०१९
आषाढीला सगळ्या संतांची पालखी त्यांच्या गावाहून पंढरपूरला येते. पण साक्षात विठ्ठलाची पालखी आजही सावतोबांना भेटायला अरण या त्यांच्या गावी येते. कांदा मुळा भाजीत विठाईला भेटणाऱ्या सावतोबांनी देव, धर्म, भक्ती, मुक्ती यांना नवे अर्थ दिले. त्याचा उलगडा करणारा हा अंक.
संत गोरा कुंभार
वर्ष - २०१८
गोरोबांचं गाव कोणतं? उस्मानाबादजवळचं तेरा हजार वर्षांपूर्वी जगाशी व्यापार करणारं हे शहर. तिथला समृद्ध वैचारिक वारसा घेऊन गोरोबाकाकांनी देव सोपा कऱणारं तत्त्वज्ञान ताकदीने मांडलं. गोरोबांचं अद्भूत कर्तृत्व आणि व्यक्तित्वाची नव्याने ओळख करून देणारा हा अंक वाचायलाच हवा.
संत विसोबा खेचर
वर्ष - २०१७
संत नामदेव हे सर्वार्थाने बापमाणूस. त्यांचे गुरू विसोबा खेचर म्हणजे महाराष्ट्राचे महागुरूच. पण ज्ञानदेवांना त्रास देणारे विलन अशीच त्यांची पारंपरिक प्रतिमा. त्याला छेद देऊन बंडखोर विचारवंत, लिंगायत तत्त्वज्ञ आणि वारकरी क्रांतीचे एक अग्रदूत अशी विसोबांची नवी ओळख करून देणारा अंक.
संत निवृत्तीनाथ
वर्ष - २०१६
ज्ञानेश्वर माऊलींची माऊली बनून माऊली म्हणून घडवणारे संत निवृत्तीनाथ. ज्ञानेश्वरी रचण्याचा आदेशही त्यांचाच. महाराष्ट्राचा प्रवास नाथ परंपरेपासून वारकरी परंपरेकडे, संन्यासाकडून संसाराकडे, कर्मकांडाकडून भक्तीकडे, संस्कृतकडून मराठीकडे झाला, त्याची वाट निवृत्तीनाथांनीच घडवलीय. त्या प्रवासाची ओळख करून देणारा अंक.
संत जनाबाई
वर्ष - २०१५
संत जनाबाई. एक बाई. सातशे वर्षांपूर्वीच्या. त्यात शूद्र. काम तेही मोलकरणीचं. असं सगळं असूनही त्यांनी वारकरी क्रांतीचं नेतृत्व केलं. भक्तीची व्याख्या बदलवली. कसदार साहित्य रचलं. स्त्रीमुक्तीचा हुंकार भरला. त्यामुळे सात शतकं महाराष्ट्रातल्या बायाबापड्या आपली दुःख जनाईशी शेयर करत राहिल्या.
संत चोखामेळा
वर्ष - २०१४
रिंगणचा संत चोखामेळा विशेषांक इंग्रजीत असता तर आंतरराष्ट्रीय पातळीवर हे डॉक्युमेंटेशन गौरवलं गेलं असतं, असं ज्येष्ठ समीक्षक डॉ. रणधीर शिंदे यांनी म्हटलंय. चोखोबाराय हीच एक क्रांती होती. ते आणि त्यांच्या साक्षीने विसाव्या शतकापर्यंत घडलेल्या स्थित्यंतराचा आलेख या अंकातून जिवंत झालाय.
संत नामदेव
वर्ष - २०१२
हा रिंगणचा पहिलाच अंक. पत्रकारांनी देशभर फिरून संत नामदेवांचं विराट विश्वरूपदर्शन या अंकातून घडवलंय. फक्त महाराष्ट्राच नाही तर आजचा भारत घडण्यात नामदेवांचं अत्यंत मूलभूत असं योगदान यातून आपल्या लक्षात येतं. नामदेवरायांची नव्या पिढीशी गळाभेट घडवून या अंकानेही इतिहास घडवला.